Os Premios da Comunicación e do Marketing de Galicia Premios Paraugas nacen en 2016 para poñer en valor a calidade e o excelente traballo das empresas e dos creativos da nosa terra. O Clúster da Comunicación de Galicia concede os Premios Paraugas en recoñecemento público ás empresas, institucións, organizacións e profesionais que destacan polo seu bo facer no ámbito da creatividade, do deseño, da impresión, do márketing, da comunicación e dos eventos en Galicia, poñendo en valor a efectividade das súas accións e a innovación no uso de materiais, soportes, medios ou outras estratexias. Son moi especiais porque se conceden desde o sector para o sector.

A gala de entrega da novena edición celebrarase en Ferrol o 22 de novembro.

Os Premios Paraugas distinguen aqueles traballos e/ou estratexias de creatividade, de deseño, de edición, de impresión, de márketing, eventos e de comunicación que sobresaen pola súa innovación, funcionalidade, boas prácticas e pola obtención de resultados tanxibles.

Ademáis o Cluster da Comunicación de Galicia establece 3 premios especiais.

. Premio Paraugas de Ouro
. Premio Paraugas Novos Talentos
. Premio Especial do Público