Obxectivos e retos:
O proxecto tiña como obxectivo recoller e fixar en formato libro o resultado dunha campaña transmedia contra as violencias machistas, artellando mensaxes, accións e contidos que xa existían en diferentes soportes. O reto era transformar ese universo de pezas dispersas nun obxecto editorial coherente, potente e manexable, que consolidase a memoria da campaña e amplificase a súa pegada social.
Resultados:
O libro converteuse nun símbolo da campaña, reforzando o seu impacto ao ofrecer un relato compacto, visual e emotivo. A edición permitiu documentar e preservar o traballo realizado, facilitando a súa difusión e uso en contextos formativos, institucionais e sociais, e consolidando “Sempre libres e vivas” como referente no activismo gráfico galego.
